ໃນວັນທີ 3 ມີນາ, ສະຖານກົງສຸນໃຫຍ່ແຫ່ງສາທາລະນະລັດປະຊາຊົນຈີນປະຈຳຫຼວງພະບາງໄດ້ຈັດງານລ້ຽງຕ້ອນຮັບນັກທຸລະກິດຈີນຢູ່ພາກເໜືອລາວເພື່ອສະເຫຼີມສະຫຼອງງານບຸນໂຄມໄຟໃນປີ 2026. ກົງສຸນໃຫຍ່ ຈັ່ງເສີຜິງ ພ້ອມກັບຜູ້ຕາງໜ້າຈາກສະພາການຄ້າຈີນຫຼວງພະບາງ, ສະພາການຄ້າຈີນອຸດົມໄຊ, ແລະ ວິສາຫະກິດຈີນ, ໄດ້ເຕົ້າໂຮມກັນເພື່ອສະເຫຼີມສະຫຼອງງານບຸນດັ່ງກ່າວ.

ກົງສຸນໃຫຍ່ ຈັ່ງເສີຜິງ ກ່າວວ່າ ສະຖານະການສາກົນໃນປະຈຸບັນແມ່ນສັບສົນແລະບໍ່ແນ່ນອນ, ມີການຂັດແຍ້ງທີ່ເກີດຂຶ້ນຢ່າງຮ້າຍແຮງ. ປະເທດຈີນທີ່ຈະເລີນຮຸ່ງເຮືອງ ແລະ ການຫັນເປັນທັນສະໄໝແບບຈີນໄດ້ກາຍເປັນກຳລັງທີ່ໝັ້ນຄົງ, ໜ້າເຊື່ອຖື ແລະ ເປັນບວກທີ່ສຸດ. ພາຍໃຕ້ການຊີ້ນຳທາງຍຸດທະສາດຂອງຜູ້ນຳສູງສຸດຂອງສອງພັກ ແລະ ປະເທດ, ສາຍພົວພັນລາວ-ຈີນແມ່ນຢູ່ໃນໄລຍະເວລາປະຫວັດສາດທີ່ດີທີ່ສຸດ. ຫວັງວ່ານັກທຸລະກິດຈີນຢູ່ຕ່າງປະເທດຈະຖືເອົາການຄົບຮອບ 65 ປີຂອງການສ້າງຕັ້ງສາຍພົວພັນທາງການທູດລະຫວ່າງລາວ-ຈີນ ແລະ "ປີມິດຕະພາບລາວ-ຈີນ" ເປັນໂອກາດທີ່ຈະເສີມສ້າງຄວາມສາມັກຄີ ແລະ ການຮ່ວມມື, ຄຸ້ມຄອງທຸລະກິດສ່ວນຕົວຂອງເຂົາເຈົ້າໃຫ້ດີ, ປະກອບສ່ວນເຂົ້າໃນການພັດທະນາປະເທດຊາດ, ແລະ ຮ່ວມກັນສ້າງຄູ່ຮ່ວມຊາຕະກໍາລາວ-ຈີນ.